XƏBƏR LENTİ
27 May 2022
25 May 2022
24 May 2022
19 May 2022
17 May 2022
12 May 2022
11 May 2022



“Qarabağ” Azərbaycan Premyer Liqasının qalibi oldu
İdman 08:13 / 04.05.2022
"Qarabağ” futbol klubu Azərbaycan Premyer Liqasında 2021-2022-ci il mövsümünün qalibi olub. Ağdam təmsilçisi XXV turda evdə "Sabah”la qarşılaşıb. Görüş 1:1 hesablı heç-heçə ilə başa çatıb. Bu nəticədən sonra "Qarabağ” klubu sona 3 tur qalmış 9-cu çempionluğunu rəsmiləşdirib.
Hesabı 47-ci dəqiqədə Kadi Borges açıb. Matçın 59-cu dəqiqəsində qırmızı vərəqə alan Patrik Andrade Ağdam klubunu azlıqda qoyub. Bundan maksimum yararlanan qonaqlar 1 dəqiqə sonra cərimə zərbəsindən tarazlığı bərpa ediblər. Kristian Silva fərqlənərək, yekun hesabı müəyyənləşdirib.
Bu nəticədən sonra xallarını 59-a çatdıran "Qarabağ” ən yaxın izləyicisi "Neftçi”ni 12 xal qabaqlayır. Qurban Qurbanovun baş məşqçi olduğu kollektivin ehtiyatda daha bir oyunu var. "Sabah” isə 36 xalla 4-cü pillədəki mövqeyini qoruyub.
Qeyd edək ki, turun açılış matçında "Şamaxı” evdə "Səbail”lə qolsuz heç-heçə edib. Tura bu gün keçiriləcək "Zirə” – "Qəbələ” və "Sumqayıt” – "Neftçi” görüşləri ilə yekun vurulacaq.

2342 oxunub

InvestAZ