ADBTİA ilk dəfə doktoranturaya ixtisas imtahanı keçirilib
İdman 18:01 / 17.03.2021
Azərbaycan Dövlət Bədən Tərbiyəsi və İdman Akademiyasında (ADBTİA) ilk dəfə olaraq 2020-2021-ci tədris ilində pedaqogika, tibb və biologiya elm sahələri üzrə doktoranturaya qəbul üçün ixtisas imtahanı təşkil edilib.
ADBTİA-nın mətbuat xidmətindən verilən məlumata görə, ingilis dili və fəlsəfə üzrə məqbul nəticə əldə etmiş namizədlər martın 16-da "Fiziki tərbiyənin, idman təliminin nəzəriyyəsi və metodikası”, "Bərpa təbabəti, idman təbabəti, müalicəvi bədən tərbiyəsi, kurortologiya və fizioterapiya” ixtisasları üzrə ixtisas imtahanında iştirak ediblər.
Koronavirus (COVID-19) pandemiyası ilə əlaqədar ehtiyat tədbirləri daxilində imtahan binasına daxil olan iştirakçıların hərarəti məsafədən ölçə bilən elektron termometrlə yoxlanılıb, zəruri dezinfeksiyaedici vasitələrdən istifadə olunub. İmtahan otağında namizədlərin sosial məsafə nəzərə alınmaqla əyləşdirilməsi təmin edilib.
İxtisas imtahanında 6 namizəd iştirak edib. İmtahan nəticələrinin martın 18-dən etibarən elan olunması gözlənilir.
22790 oxunub
ADBTİA-nın mətbuat xidmətindən verilən məlumata görə, ingilis dili və fəlsəfə üzrə məqbul nəticə əldə etmiş namizədlər martın 16-da "Fiziki tərbiyənin, idman təliminin nəzəriyyəsi və metodikası”, "Bərpa təbabəti, idman təbabəti, müalicəvi bədən tərbiyəsi, kurortologiya və fizioterapiya” ixtisasları üzrə ixtisas imtahanında iştirak ediblər.
Koronavirus (COVID-19) pandemiyası ilə əlaqədar ehtiyat tədbirləri daxilində imtahan binasına daxil olan iştirakçıların hərarəti məsafədən ölçə bilən elektron termometrlə yoxlanılıb, zəruri dezinfeksiyaedici vasitələrdən istifadə olunub. İmtahan otağında namizədlərin sosial məsafə nəzərə alınmaqla əyləşdirilməsi təmin edilib.
İxtisas imtahanında 6 namizəd iştirak edib. İmtahan nəticələrinin martın 18-dən etibarən elan olunması gözlənilir.
22790 oxunub
.jpg)
