İdman 17:34 / 26.11.2020
Beynəlxalq Olimpiya Komitəsinin İcraiyyə Komitəsinin onlayn iclası keçirilib. İclas zamanı 2012-ci il London Yay Olimpiya Oyunlarının
bəzi yarışlarında mükafatçılardan götürülmüş dopinq testlərin nəticələrinin yenidən yoxlanılmasından sonra bir daha baxılmasına qərar verilib. Qərara əsasən, London Olimpiadasının ağırlıqqaldırma yarışlarının bürünc mükafatçısı, Azərbaycan millsinin bolqarıstanlı legioneri Valentin Xristovun (56 kq) bürünc medalı rəsmən ləğv edilib. 2019-cu il martın 27-də BOK-un İntizam Komitəsi tərəfindən mükafatdan məhrum edilən atletimizin medalı vyetnamlı idmançı Le Kuok Toana verilib.
Beləliklə, Azərbaycan millisi ağırlıqqaldırma idman növündə qazandığı yeganə Olimpiya mükafatından məhrum olub.
Bununla da, London Olimpiadasında Azərbaycan idmançılarının qazandıqları medalların sayı doqquza enib. London-2012-də Azərbaycan Olimpiya yığmasının aktivində iki qızıl, iki gümüş və beş bürünc medal qalıb.
28759 oxunub
