XƏBƏR LENTİ
17 Yanvar 2021
15 Yanvar 2021
14 Yanvar 2021
13 Yanvar 2021
12 Yanvar 2021
10 Yanvar 2021
08 Yanvar 2021
06 Yanvar 2021



Çempionlar Liqası: daha 3 iştirakçı 1/8 finala vəsiqəni təmin edə bilər
İdman 16:46 / 25.11.2020
Bu gün UEFA Çempionlar Liqasının qrup mərhələsində IV tura yekun vurulacaq. Son oyun günündə A, B, C və D qruplarında ümumilikdə 8 qarşılaşma oynanılacaq.

A qrupunda Almaniyanın "Bavariya" klubu 1/8 finala vəsiqəni bu tur rəsmiləşdirə bilər. 3 oyundan maksimum xal toplayan "pivəçilər” evdə "Zalsburq"u məğlub edəcəyi halda adını pley-offa yazdıracaq. Qrupun digər görüşündə İspaniyanın "Atletiko" komandası Rusiyanın "Lokomotiv" (Moskva) klubunu qəbul edəcək.

Gecənin maraqlı oyunlarından biri B qrupunda təşkil olunacaq. İtaliyanın "İnter" klubu doğma meydanda cari mövsüm turnirdə elə də uğurlu çıxış etməyən İspaniyanın "Real Madrid" komandası ilə qarşılaşacaq.

C qrupunda İngiltərənin "Mançester Stii" klubu Yunanıstanda "Olimpiakos"un qonağı olacaq. "Şəhərlilər" rəibinə qalib gələrək, sona 2 tur qalmış 1/8 finala vəsiqəni təmin edə bilərlər.

D qrupunda isə Çempionlar Liqasının son qalibi İngiltərənin "Liverpul" komandası İtaliyanın "Atalanta" klubu ilə qarşılaşacaq. Qələbə qazanacaqları təqdirdə merisaydlıların qrupdan çıxmağı rəsmiləşəcək.

1020 oxunub

InvestAZ