XƏBƏR LENTİ
08 Aprel 2020
03 Aprel 2020
01 Aprel 2020
31 Mart 2020
29 Mart 2020
13 Mart 2020
11 Mart 2020



Azərbaycan kuboku start götürdü
İdman 11:46 / 16.01.2020

Qadın həndbolçuların Azərbaycan kuboku turnirinə start verilib. "ABU Arena”da keçirilən yarışın ilk oyun günündə "Azərsu” "Azəryol”la, "Qarabağ” isə "İdman Akademiyası” ilə qarşılaşıb.
Turnirin açılış matçı böyük maraqla gözlənilirdi. Söhbət təbii ki, "Azərsu” ilə ölkə çempionatının lideri "Azəryol”un görüşündən gedir. Bu oyunda əksəriyyət nominal qonaqların qələbəsinə inansa da, mülahizələr doğrulmayıb. Kifayət qədər gərgin mübarizə ilə yadda qalan qarşılaşmada "Azərsu” qələbə qazanmağı bacarıb – 27:26.
Günün ikinci görüşündə isə gözlənilməz nəticə qeydə alınmayıb. Oyunun şəksiz favoriti sayılan "Qarabağ” "İdman Akademiyası”na asanlıqla qalib gəlib – 35:20.
Qadın həndbolçuların kubok yarışının növbəti oyunları yanvarın 22-də keçiriləcək. Həmin gün "Azəryol” "Qarabağ”la, "İdman Akademiyası” "Azərsu” ilə qarşılaşacaq.
Yanvarın 18-də isə kişi həndbolçuların ölkə kuboku turnirinin ikinci görüşləri olacaq. Söhbət U-18 – "Təhsil” və "Məhsul” – "Bakı” matçından gedir.
Qeyd edək ki, yarışın yarımfinal mərhələsi aprel ayına təyin olunub. Qalib komandaların adına isə mayın 2-də keçiriləcək həlledici görüşlərdə aydınlıq gətiriləcək.

2166 oxunub

InvestAZ