.jpg)
XƏBƏR LENTİ
12 İyul 2025
11 İyul 2025
10 İyul 2025
09 İyul 2025
08 İyul 2025
07 İyul 2025
04 İyul 2025
03 İyul 2025
01 İyul 2025
27 İyun 2025
26 İyun 2025
Azərbaycan futbolunun 79 yaşlı canlı əfsanəsi
İdman 13:20 / 13.11.2019
Noyabrın 13-də "Neftçi”nin canlı əfsanəsi Kazbek Tuayevin 79 yaşı tamam olur.
Kazbek Əlirza oğlu Tuayev 1940-cı il noyabrın 13-də Ələt qəsəbəsində anadan olub. SSRİ idman ustası futbolçu karyerası bir sıra klublarda çıxış edib. O, "Lokomotiv” (Bakı, 1954-1959), "Spartak” (Nalçik, 1959-1960), "Neftçi” (Bakı, 1961-1970), "Spartak” (Orconikidze, 1970), "Neftçi” (Bakı, 1971-1972) komandalarının şərəfini qoruyub. 1966-cı il SSRİ çempionatının bürünc mükafatçısı 1961-1971-ci illər ərzində "Neftçi”nin heyətində 298 oyun keçirib, 60 qol vurub.
Göstərdiyi uğurlu çıxışlarına görə SSRİ milli komandasının heyətində 4 oyunda yığmanın formasını geyinib.
Kazbek Tuayevin məşqçi karyerası da uğurlu olub. Belə ki, tanınmış mütəxəssis "Spartak” (Orconikidze, 1973-1977), "Xəzər” (Lənkəran, 1978-1982), "Neftçi” (Bakı, 1983-1984), "Afriken” (Tunis, 1987-1990), "Tərəqqi” (Bakı, 1992), "Azneftyağ” (1993), "Turan” (Tovuz, 1993-1995), "Neftçi” (Bakı, 2004) klublarında və Azərbaycan milli komandasında (1995-1997, 2002) baş məşqçi vəzifəsində işləyib.
1983-1984, 1991, 1996-1997, 1998, 2001-2004-cü illərdə "Neftçi”nin baş məşqçisi olmuş Kazbek Tuayev 1996/1997 və 2003/2004 mövsümlərində komandaya ölkə çempionluğunu qazandırıb.
1996-cı ildə "Neftçi” məhz onun baş məşqçi olduğu dövrdə Avrokuboklarda ilk qələbəsin qazanıb. Ölkə çempionu Sofiya "Lokomotiv”inə qalib gəlib - 2:1. Elə həmin il Tuayevin baş məşqçisi olduğu milli komanda İsveçrə yığmasını 1:0 hesabı ilə məğlubiyyətə uğradaraq, rəsmi oyunlarda ilk qalibiyyətini əldə edib.
Futbolda göstərdiyi xidmətlərə görə 2000-ci ildə "Şöhrət” ordeni ilə təltif olunub.
Azərbaycan Futbol Məşqçiləri İttifaqının sədri, AFFA-nın İcraiyyə Komitəsinin üzvüdür.
34625 oxunub
-(1).jpg)
