XƏBƏR LENTİ
18 Fevral 2020
07 Fevral 2020
06 Fevral 2020
02 Fevral 2020
26 Yanvar 2020
24 Yanvar 2020
23 Yanvar 2020
22 Yanvar 2020
20 Yanvar 2020
19 Yanvar 2020
16 Yanvar 2020
15 Yanvar 2020
14 Yanvar 2020
13 Yanvar 2020



Türkiyə Superliqasının ilk turunun növbəti oyunları keçirilib
İdman 11:33 / 19.08.2019

Futbol üzrə Türkiyə Superliqasının 2019-2020-ci illər mövsümündə ilk turun növbəti oyunları keçirilib.
Ötən mövsümün dördüncüsü və UEFA Avropa Liqasında çıxışını davam etdirən "Trabzonspor” səfərdə İstanbulun "Kasımpaşa” klubunun qonağı olub. Baş hakim Cüneyt Çakırın idarə etdiyi qarşılaşmada "Trabzonspor” Norveç millisinin hücumçusu Aleksandr Sorlotun (34) vurduğu qolla hesabı açsa da, meydan sahibləri Aytaç Karanın (40) bərabərlik topu sayəsində oyunda hesaba tarazlıq gətiriblər.
Beləliklə, Rəcəb Tayyib Ərdoğan adına stadionda keçirilən görüşdə trabzonsporlular mövsümün ilk matçında xal itiriblər.
Digər matçda İstanbulun "Başakşəhər” klubu səfərdə "Yeni Malatyaspor”la görüşüb. Avrokuboklarda mübarizəni dayandıran klubların qarşılaşmasından isə meydan sahibləri 3:0 hesablı qalibiyyətlə ayrılıb. "Yeni Malatyaspor”un heyətindəMarkes Qulyerme(68), Adis Jahoviç (88) və Morike Fofana (90) fərqləniblər. Beləliklə, keçən mövsüm çempionatda ikinci yeri tutmuş İstanbul təmsilçisi Superliqanı məğlubiyyətlə başlayıb, "Yeni Malatyaspor” isə üç xala sahib olub.
Xatırladaq ki, birinci turda son çempion "Qalatasaray” "Dənizlispor”a, "Beşiktaş” isə "Sivasspor”a səfərdə uduzub.
Bu gün keçirilən "Konyaspor” – "Ankaragücü” qarşılaşmasında qapılara qol vurulmayıb - 0:0. "Göztəpə” – "Antalyaspor” matçı qonaqların qələbəsi ilə yekunlaşıb - 1:0.
Tura avqustun 19-da keçiriləcək "Fənərbağça” - "Qaziantepspor” oyunu ilə yekun vurulacaq.

2368 oxunub

InvestAZ