XƏBƏR LENTİ
30 May 2024
29 May 2024
28 May 2024
27 May 2024
24 May 2024
23 May 2024



Yeniyetmə voleybolçular üçün təlim-məşq toplanışı təşkil edilib
İdman 13:48 / 14.05.2024
Azərbaycan Voleybol Federasiyası Tovuz Regional Voleybol Klubunda (RVK) təlim-məşq toplanışı təşkil edib. 
Bu barədə Azərbaycan Voleybol Federasiyasının mətbuat xidmətindən məlumat verilib. Məlumata görə yeniyetmə və gənc qızlardan ibarət milli komandaların rəhbəri Şahin Çatmanın rəhbərlik etdiyi məşqlər mayın 12-14-də Tovuz Olimpiya İdman Kompleksində təşkil olunub.
Məşqlərə Tovuz Regional Voleybol Klubunda məşq keçən 40-a yaxın yeniyetmə qız cəlb edilib. Burada gündə iki dəfə olmaqla uşaqlara həm fiziki, həm də texniki məşqlər keçirilib. Həmçinin gənclərə voleybol qaydaları ilə bağlı ətraflı məlumat verilib.
Qeyd edək ki, növbəti təlim-məşq toplanışı Gəncə Regional Voleybol Klubunun idmançıları üçün mayın 15-dən 17-dək Gəncədə təşkil olunacaq.

2038 oxunub

InvestAZ