XƏBƏR LENTİ
20 May 2024
19 May 2024
17 May 2024
16 May 2024
15 May 2024
14 May 2024
Bakıda keçirilən Dünya kubokunun növbəti qalibləri müəyyənləşdi - FOTO
İdman 12:22 / 08.05.2024
Bakıda keçirilən atıcılıq üzrə Dünya Kuboku davam edir.
Azərbaycan Atıcılıq Federasiyasının mətbuat xidmətindən verilən məlumata görə, bu gün kişilər arasında 25 metr məsafəyə tapançadan sürətli atəş açma növündə final mərhələsi keçirilib.
Yarışda fransalı Klemen Besua 25 dəqiq atışla bürünc medal qazanıb. Qalib adı uğrunda mübarizədə isə çinli Xinjie Wang və çexiyalı Martin Podraski münasibətlərinə aydınlıq gətirib.
Maraqlı keçən duelin əsas mərhələsində dəqiq atışların sayı bərabər olduğundan (32), əlavə 5 atışa ehtiyac duyulub. Həlledici mərhələdə təcrübəli M.Podraski hədəflərin hamısını dəqiq nişan alaraq karyerasında 5-ci dəfə qızıl medalın sevincini yaşayıb. Xinjie Wang yarışı gümüş medalla başa vurub.
Mübarizə başa çatandan dərhal sonra Podraski medal təəssüratlarını bölüşüb:
"Bu, Bakıda əldə etdiyim ilk medaldır. Təbii ki, sevinirəm. Bu mərhələdə təcrübə çox önəmlidir. İndiyə qədər bir çox finallarda iştirak etmişəm. Bugünkü finalda ən yaşlı atıcı mən idim. Fikrimcə, "qızıl” qazanmağımda təcrübə böyük rol oynadı.
Həm şəxsim, həm də ölkəmin adına bu cür nəticəyə imza atmaq qürurvericidir. Bugünkü dəqiq atışlarımın sayı həm də Çexiya atıcılıq tarixi adına yeni rekord idi.
Atəş meydanları haqda ən xoş sözləri deyə bilərəm. Həm mərkəzin özü, həm yaradılan şərait, həm də finallar zamanı vacib rol oynayan işıqlandırma sistemi kifayət qədər yaxşıdır. Bakı Atıcılıq Mərkəzi dünyanın ən yaxşı qurğularından biridir”.
1145 oxunub
.jpg)
