“Judo Club 2012”nin yetirməsi Avropa kubokunun qalibi oldu
İdman 11:24 / 20.05.2019
Rusiyanın Orenburq şəhərində cüdo üzrə Avropa kuboku yarışları keçirilib. 24 ölkədən 306 (193 oğlan, 113 qız) cüdoçunun iştirak etdiyi yarışda Azərbaycan 13 idmançı ilə təmsil olunub.
Ölkəmizə yeganə medalı medalı "Judo Club 2012”nin yetirməsi Murad Fətiyev (81 kq) qazandırıb. Mübarizəyə 1/16 finaldan başlayan cüdoçumuz ilk görüşdə erməni əsilli rusiyalı idmançı Karegin Şahlamcyana, növbəti mərhələdə isə avstriyalı Saif-İslam İslamxanova qalib gəlib. 1/4 finalda daha bir rusiyalı cüdoçunu - rusiyalı Pavel Berlini mübarizədən kənarlaşdıran Murad yarımfinalda portuqaliyalı Migel Alvesi məğlub edərək finala yüksəlib. Finalda cüdoçumuzun rəqibi rusiyalı Turpal Tepkayev olub. Gərgin mübarizə şəraitində keçən qarşılaşmada Murad rəqibinə ipponla qalib gələrək qızıl medala layiq görülüb.
Azərbaycan komandası əldə etdiyi bir qızıl medalla turnirdə ümumi hesabda beşinci pillədə yer alıb.
25427 oxunub
.jpg)
