İdman 08:52 / 27.03.2023
İspaniyanın Qvadalahara şəhərində karate üzrə Avropa çempionatı keçirilib. 48 ölkədən 468 idmançının iştirak etdiyi qitə çempionatında Azərbaycan yığması 21 idmançı ilə təmsil olunub. 5 gün davam edən çempionatda Azərbaycan karateçiləri 8 medala sahib çıxıblar. Mükafatların biri qızıl, dördü gümüş, üçü isə bürüncdür. Fərdi kumite yarışlarında İrina Zaretska (-68 kq) və Fəridə Əliyeva (68+ kq) Avropa ikincisi olub. Tural Ağalarzadə (-67 kq) və Fərid Ağayev (-75 kq) isə bürünc medala sahib çıxıblar. Bu nəticə ilə Azərbaycan medal qazanan ölkələr arasında Xorvatiya ilə 9-10-cu yerləri bölüşüb.
Qazanılan mükafatlardan 1 qızıl, 2 gümüş və 1 bürünc medal isə para-karateçilərin payına düşüb. Belə ki, para-karate yarışlarında Emiliya Mitlinova birinci yerə layiq görülüb. Eldar Əhmədov ikinci, Nihat Məmmədzadə və Ariyana Mitlinova isə üçüncü yeri tutublar. Para-karateçilərimiz medal sıralamasında ikinci olublar.
Böyüklərin növbəti Avropa çempionatı 2024-cü ildə Xorvatiyada təşkil olunacaq.
2550 oxunub
.jpg)
