XƏBƏR LENTİ
21 İyul 2024
19 İyul 2024
17 İyul 2024
16 İyul 2024
15 İyul 2024
12 İyul 2024
11 İyul 2024
10 İyul 2024
09 İyul 2024
07 İyul 2024
04 İyul 2024
03 İyul 2024
02 İyul 2024



“Judo Club 2012”nin yetirməsi Avropa kubokunun qızıl medalını qazandı
İdman 16:14 / 24.10.2022

Oktyabrın 22-23-də Latviyanın paytaxtı Riqada yeniyetmələr arasında cüdo üzrə Avropa kuboku turniri keçirilib. Yarışda 15 ölkəni təmsil edən 184 (129 kişi, 55 qadın) idmançı mübarizə aparıb. Ölkəmizi turnirdə 3 cüdoçu təmsil edib. Komandamızın Riqa sınağı 1 qızıl və 1 gümüş medalla yadda qalıb. Qızıl medalı millimizə "Judo Club 2012”nin yetirməsi Mehdi Cəfərov qazandırıb. -66 kq çəki dərəcəsində tatami üzərinə çıxan klubun təmsilçisi ilk görüşdə İsrail idmançısını, növbəti mərhələdə isə niderlandlı rəqibini üstələyib. Yarımfinalda latviyalı rəqibini də məğlub edən idmançımız adını finala yazdırıb. Həlledici görüşdə digər israilli cüdoçuya qalib gələn Mehdi Cəfərov Avropa kubokunun qızıl medalına layiq görülüb.

Azərbaycan yığmasına digər medalı isə Tamerlan Cabbarov qazandırıb. -90 kq çəki dərəcəsində yarışan idmançı gümüş medala sahib olub.

Beləliklə, Azərbaycan komandası Avropa kubokununu 2 medalla 7-ci yerdə başa vurub.

Qeyd edək ki, Azərbaycan Cüdo Federasiyasının hakimlər heyətinin üzvü Olimpiya dərəcəli hakim Fariz Hüseynov yarışda ədalət təmsilçiləri arasında yer alıb.


13677 oxunub

InvestAZ