XƏBƏR LENTİ
09 Avqust 2022
08 Avqust 2022
04 Avqust 2022
02 Avqust 2022
01 Avqust 2022
22 İyul 2022
19 İyul 2022
13 İyul 2022
08 İyul 2022
07 İyul 2022
28 İyun 2022



Bakıda Beynəlxalq Olimpiya Gününə həsr olunmuş konfrans keçirilir
İdman 14:53 / 24.06.2022
İyunun 24-də Bakıda Azərbaycan Dövlət Bədən Tərbiyəsi və İdman Akademiyasının (ASAPES) təşkilatçılığı ilə Beynəlxalq Olimpiya Gününə həsr olunmuş "İdman elminin müasir aspektləri” mövzusunda beynəlxalq elmi-praktiki konfrans işə başlayıb.
Konfransın məqsədi idmanın inkişafında son elmi nailiyyətlərin birgə müzakirəsi və təcrübə mübadiləsidir.
Respublikamızın bədən tərbiyəsi və idman sahəsinin görkəmli mütəxəssisləri ilə yanaşı, Böyük Britaniyanın London Kollec Universiteti (UCL), London İmperial Kolleci, Volverhampton Universitetinin, Türkiyənin Eskişehir Texniki Universiteti, Rusiyanın MGİMO, Lomonosov adına Moskva Dövlət Universiteti və digər ali məktəblərin professor heyətinin də iştirak etdiyi tədbirdə Maykl Pol Luzmor, Denis Remedios, Roman Yahoda, Taro Netzer, Endi Leyn, Hayri Ertan, Artem Malqin, Nikolay Peşin kimi beynəlxalq səviyyədə tanınmış mütəxəssislər bilik və təcrübələrini iştirakçılarla bölüşəcəklər.
Tədbirin birinci günündə idman psixologiyası, idman tibbi, idman menecmenti və idman hüququ kimi istiqamətlər üzrə aktual mövzularda məruzələr təqdim olunacaq.
Konfransın ikinci günü "İdmançıların hazırlıq sisteminin təkmilləşdirilməsi”, "Bədən tərbiyəsində kütləvilik və sağlam həyat tərzinin formalaşdırılması” və "Bədən tərbiyəsi və idman fəaliyyətinin təşkili” bölmələrində maraqlı təqdimatlar və müzakirələrlə davam edəcək.

5911 oxunub

InvestAZ