XƏBƏR LENTİ
22 Yanvar 2022
21 Yanvar 2022
20 Yanvar 2022
19 Yanvar 2022
18 Yanvar 2022
17 Yanvar 2022
16 Yanvar 2022



“Legiya” klubu Mahir Emreli ilə bağlı bəyanat yayıb
İdman 13:18 / 13.01.2022
Polşanın "Legiya” klubu Azərbaycan millisinin hücumçusu Mahir Emreli ilə bağlı bəyanat yayıb.
Varşava təmsilçisi 25 yaşlı hücumçunun müqavilə ilə onlara məxsus olduğunu vurğulayıb.
"Legiya” klubu Mahir Emreli ilə razılığa gəlmək üçün çox cəhd etdiklərini bildiriblər: "Klub dəfələrlə futbolçunu komandaya qayıtmağa və müqavilə öhdəliklərini yenidən yerinə yetirməyə çağırıb, ona lazım olan bütün dəstəyi təklif edib. Emreli ilə daim razılığa gəlməyə çalışır, futbolçu və onun nümayəndələri ilə danışıqlar aparırıq. Eyni zamanda məxfiliyi və danışıqların yaxşı tərəfini nəzərə alaraq, onun məzmunu və nəticələrini açıqlamayacağıq”.
Bəyanatda Mahirin vəkili Anıl Dinçer də yalan iddialar səsləndirməkdə günahlandırılıb: "Oyunçunun nümayəndəsi Anıl Dinçerin heç bir faktiki və hüquqi əsası olmayan bir sıra yalan iradlar və ifadələr ehtiva edən açıqlamalarına açıq şəkildə cavab verməyəcəyik”.
Qeyd edək ki, "Legiya”nın təlim-məşq toplanışına yollanmayan Mahir Emreli 2024-cü ilin yayına qədər olan müqaviləsinə xitam verilməsi üçün kluba məktub göndərib. Forvard azarkeşlərin məlum hücumu nəticəsində psixoloji zərbə aldığını deyərək, avtobus insidentindən sonra Varşava komandasında çıxışını davam etdirməsini qeyri-mümkün sayıb.

920 oxunub

InvestAZ