XƏBƏR LENTİ
17 Yanvar 2021
15 Yanvar 2021
14 Yanvar 2021
13 Yanvar 2021
12 Yanvar 2021
10 Yanvar 2021
08 Yanvar 2021
06 Yanvar 2021



Erməni terrorunudan əziyyət çəkən veteran futbolçularla görüş olub
İdman 12:35 / 25.11.2020
Oktyabrın 11-də gecə saatlarında ermənilərin Gəncə şəhərini raket atəşinə tutması nəticəsində terrordan zərər çəkənlərdən üçü veteran futbolçudur. "Kəpəz” klubunun bazasında vaxtilə komandanın şərəfini qorumuş veteran idmançılar Emin Mustafayev, Sahil Abdullayev və Samir Allahverdiyevlə görüş keçirilib.

Partlayış baş verən binada yaşamış E.Mustafayevlə S.Abdullayev müxtəlif dərəcəli xəsarətlər alıblar, mənzilləri yararsız hala düşüb. S.Allahverdiyevin özünə heç nə olmasa da, ailə üzvləri yaralanıb, evi ciddi ziyan görüb.

Erməni vəhşiliyi nəticəsində yaşananlar klub rəhbərliyi ilə görüşdə bir daha xatırlanıb, dinc əhaliyə yönələn terror pislənilib. "Kəpəz”in icraçı direktoru İlqar Nadiri düşmənin müharibə qanunlarına, beynəlxalq hüququn normalarına sığmayan, insanlıq əleyhinə yönələn hərbi cinayətlər törətdiyini bildirib. O, baş verənlərin Gəncə sakinlərinin mübariz ruhunu sarsıtmadığını vurğulayıb. Şanlı Ordumuzun da ardıcıl qələbələri ilə insanların ruh yüksəkliyi yaşadığını, çətin günlərdə bir yumruq kimi birləşdiyini vurğulayıb.

Görüşdə klub adından veteran futbolçulara geyim dəstləri hədiyyə edilib, maddi köməklik göstərilib. Gündəlik həyat və məişət qayğılarının dövlət tərəfindən diqqət mərkəzində saxlanıldığını deyən sabiq oyunçular göstərilən diqqət və qayğıya, dəstəyə görə minnətdarlıq ediblər.

"Kəpəz”lə yanaşı, Azərbaycanın müxtəlif klublarında da oynamış veteran futbolçulara klubda görülən işlərlə bağlı məlumat verilib.

Baş məşqçi Yaşar Vahabzadə yeni istedadlı gənc nəslin yetişdiyini, əsas komandanın qazandığı nəticələrlə turnir cədvəlinin üst sıralarında qərarlaşdığını və azarkeşləri sevindirdiyini qeyd edib.

1547 oxunub

InvestAZ