"Qarabağ"ın rəqibləri müəyyənləşib
İdman 20:15 / 29.07.2020
Ölkəmizi Çempionlar Liqasında təmsil edəcək "Qarabağ”ın 1-ci təsnifat mərhələsindəki bütün potensial rəqibləri müəyyənləşib.
aktivində 21 min xalı olan ölkə çempionu səpələnmişlər səbətində olacaq ki, bu da nisbətən zəif rəqiblərin düşəcəyi deməkdir.
1-ci təsnifat mərhələsinin səpələnmişlər səbətində "Qarabağ”la yanaşı, Seltik” (Şotlandiya), "Astana” (Qazaxıstan), "Ludoqorets” (Bolqarıstan), "Srvena Zvezda” (Serbiya), "Legiya” (Polşa), "Makkabi” (Tel-Əviv, İsrail), "Molde” (Norveç), "Şerif” (Moldova), "Ferentsvaroş” (Macarıstan), "Dandolk” (Şimali İrlandiya), "Slovan” (Bratislava, Slovakiya), "Suduva” (Litva), "Omoniya” (Kipr), Rumıniya çempionu, "Sarayevo” (Bosniya və Herseqovina), "Dinamo” (Tbilisi, Gürcüstan) olacaq.
Səpələnməmişlər səbətində isə "Qarabağ"ın potensial rəqibləri - "Fola” (Lüksemburq), "Dyurqarden” (İsveç), "Buduçnost” (Monteneqro), "Flora” (Tallin, Estoniya), "Dinamo” (Brest, Belarus), "Riqa” (Latviya), "Konnahs Kuey” (Uels), "Europa” (Cəbəllütariq), "Klaksvik” (Farer adaları), "Reykyavik” (İslandiya), "Tirana” (Albaniya), "Ararat" (Ermənistan), "KuPS” (Finlandiya), "Sileks” (Şimali Makedoniya), "Floriana” (Malta), "Çelye" (Sloveniya) yer alıb. Beləliklə, "Qarabağ"ın ölkə çempionu olan 15 potensial rəqibinin hamısı bəllidir. "Linfild” (Şimali İrlandiya) və "Tre Fiore” (San-Marino) isə ilkin mərhələnin qalibi kimi səpələnməmişlərdən olmağa 4 iddiaçıdan biridir. Bu oyunlar avqustustun 8-11-də keçiriləcək. Çempionlar Liqasının 1-ci təsnifat mərhələsinin püşkü isə avqustun 9-da atılacaq.
34542 oxunub
.jpg)
