XƏBƏR LENTİ
26 Aprel 2024
24 Aprel 2024
23 Aprel 2024
17:16 Kannavaro "Udineze"də
22 Aprel 2024
21 Aprel 2024
Qadın tennisçilər daha çox pul alacaq
.jpg)
İdman 18:23 / 20.05.2020
Pandemiya dövründə turnirlərinin ləğv olunması tennisçiləri qazanc imkanlarından məhrum edib. Əgər komanda yarışlarının idmançıları müqavilə üzrə klublardan məvacib ala bilirsə, raket ustaları müqaviləsiz oynadıqlarına və heç kimin qarşısında öhdəliyi olmadığına görə maliyyə itkisi ilə üzləşirlər. Bu amili nəzərə alan Peşəkar Tennisçilər Assosiasiyası (ATP) və Qadın Tennisi Assosiasiyası (WTA) aşağı reytinqli tennisçilərə yardım etməyi öz üzərinə götürüb.
Tanınmış tennisçilər pandemiyadan əvvəl müxtəlif mötəbər turnirlərdə çoxlu pul mükafatı qazandığına görə, güman etmək olar ki, onlar karantin zamanı maliyyə çətinliyi çəkməyəcəklər. Amma yüksək gəliri olmayan raketka ustaları hazırda maddi sıxıntıya məruz qalır. Buna görə ATP və WTA rəhbərliyi reytinqdə 101-ci yerdən 500-cü pilləyədək qərarlaşan idmançılara maliyyə yardımı ayırmağı qərara alıb. Belə ki, yarış keçirilməyən hər aya görə kişi tennisçilər hərəyə 4325, qadınlar isə 5200 ABŞ dolları vəsait alacaqlar. ATP-nin maliyyə yardımının nisbətən az olmasının səbəbi var. Belə ki, burada mübarizə aparan idmançılar Qrand mükafatı da alır.
Qeyd edək ki, son bir ildə 250 min, son 4 ildə isə 1 milyon dollardan artıq qazanan kişi tennisçilərə yardım ayrılmayacaq. Qadınlarda isə bu göstərici son bir ildə 350 min, son 4 ildə 1,4 milyon, karyeraları boyunca isə 3,5 milyon dollardan artıq olanlara maliyyə yardımı edilməyəcək.
28439 oxunub
.jpg)
