"Barselona” nın hücumçusu Lionel Messi koronavirus pandemiyası ilə bağlı hazırkı vəziyyət barədə fikirlərini bildirib.
"Şəxsən mən turnirlərin başlanmasını səbirsizliklə gözləyirəm. Bilirik ki, tamaşaçısız oynamaq çox qəribə bir hiss olacaq. Vəziyyətin necə olacağını yaşayıb görəcəyik. İnfeksiya riski hər yerdə mövcuddur. Evdən çıxdığınız zaman artıq risk var. Buna görə də bu barədə çox düşünmək lazım deyil, əks halda evdən vacib olduğu halda belə çıxmaq istəməyəcəksiniz. Lakin biz anlayırıq ki, infeksiya ilə bağlı verilən qərarlara riayət etmək və mümkün olan bütün profilaktik tədbirləri görmək vacibdir. Məşqlərə başlamaq futbola yenidən qayıtmaq üçün ilk addımdır. Amma düşünürəm ki, arxayınlaşmaq lazım deyil. Profilaktik tədbirlər bir müddət davam etdirilməlidir”, – deyə L.Messi bildirib.
21018 oxunub