XƏBƏR LENTİ
18 Fevral 2020
07 Fevral 2020
06 Fevral 2020
02 Fevral 2020
26 Yanvar 2020
24 Yanvar 2020
23 Yanvar 2020
22 Yanvar 2020
20 Yanvar 2020
19 Yanvar 2020
16 Yanvar 2020
15 Yanvar 2020
14 Yanvar 2020
13 Yanvar 2020



Formula 1-də 36 yaşına qədər çıxış etmək istəyir
İdman 14:20 / 20.08.2019

Maks Ferstappen Formula 1-də 17 yaşında debüt edərək dünya çempionatı tarixində ən gənc pilot olub. Lakin artıq beşinci mövsümdür ki, gənc nəslin ən istedadlı nümayəndələrindən biri adını qazanıb.
Pilot bu yaxınlarda karyerasını neçə yaşında bitirmək niyyətində olduğunu açıqlayıb.
O, Britaniyanın "Motorsport Magazine” jurnalına müsahibəsində deyib: "İndi 21 yaşındayam. Mən Formula 1-də daha 15 il çıxış etməyə ümid bəsləyirəm. Bəli, 36 yaşına qədər. Xatırlatmaq istəyirəm ki, mən çempionatda 17 yaşında, yəni digər pilotlarla müqayisədə daha tez debüt etmişəm. Düşünürəm ki, 36 yaşına çatanda çox şey rəqabətə nə dərəcədə davamlı olacağımdan asılı olacaq. Əgər əvvəlki kimi sükan arxasında oturub qələbə və podium uğrunda mübarizə apara bilsəm, nə üçün də olmasın.
Əlbəttə, mən autsayder olmaq niyyətində deyiləm. Qələbə və podiumlardan sonra, 36 yaşım olanda təkcə çempionatda qalmaq naminə digər pilotların yedəyində getmək niyyətində deyiləm.
Xatırladım ki, mən çox sürətlə inkişaf etdim, kartinqdən sonra Formula 3-də yalnız bir il iştirak etdim, sonra Formula 1-ə keçdim. Düşünürəm ki, Formula 1-də müəyyən xətalara yol verdim, hərçənd gənclərin kateqoriyasında çıxış edərkən də müəyyən xətalara yol vermişdim. Lakin mətbuat belə məqamları o qədər də ciddi izləmir. Lakin mən gənclər seriyasında qalmaqdansa, Formula 1-də səhvlər etməyə üstünlük verirəm.
Mən Formula 1-dən sonra hansı işlə məşğul olacağımı bilirəm. Mən hər hansı özəl trasda sürətlə maşın sürüb bundan zövq almaq istəyirəm. Bu, Formula 1 maşını olmaya da bilər. İstəyirəm ki, nə rəqibim, nə də təzyiq olsun. Sadəcə, bundan zövq almaq istəyirəm. İstəsəm, 10 dövrə vurum, 10 dövrə vurum, istəsəm, trasda çox vaxt keçirim, bunu edim. Bax bununla məşğul olmaq istərdim”.


3010 oxunub

InvestAZ