İdman 17:14 / 31.01.2025
Yanvarın 30-da Beynəlxalq Olimpiya Komitəsinin (BOK) 143-cü növbədənkənar sessiyası keçirilib.
BOK-un prezidenti Tomas Baxın da iştirakı ilə İsveçrənin Lozanna şəhərində keçirilən tədbirdə İtaliyanın Dolomiti Valtellina bölgəsinin 2028-ci ildə Yeniyetmələrin V Qış Olimpiya Oyunlarına ev sahibliyi edəcəyi müəyyənləşib. Oyunlar Valtellina, Trentino və Kortinada keçiriləcək. Bundan başqa yarışlar zamanı Milano-Kortina-2026 Qış Olimpiya Oyunlarının idman obyektlərindən də istifadə ediləcək. Dolomiti Valtellina-2028-in Təşkilat Komitəsinin üzvləri də müəyyənləşib. Belə ki, Təşkilat Komitəsinə İtaliya Olimpiya Komitəsinin prezidenti Covanni Malaq, BOK-un italiyalı üzvü Andrea Abodi, İtaliyanın idman və gənclər naziri Attilio Fontana, Lombardia regionunun rəhbəri Mauriso Fuqatti, Trento Muxtar vilayətinin rəhbəri Kristiano Korazzari, Olimpiya çempionları Diana Biançedi və Antonio Rossi daxil edilib.
Qeyd edək ki, oyunlar 2028-ci il yanvarın 15-29-da keçiriləcək.
15975 oxunub
