İdman 00:14 / 17.01.2025
Paytaxtın tanınmış idman məkanlarından olan Respublika Olimpiya Mərkəzinin adı dəyişdirilir.
İdman obyektinin adı bundan sonra "Bakı Atletika Mərkəzi" Məhdud Məsuliyyətli Cəmiyyəti (MMC) kimi adlandırılacaq.
Bakı şəhərinin mərkəzi hissəsində - Nərimanov rayonunda, metronun "Gənclik” stansiyasının yaxınlığında yerləşən mərkəz 1982-ci ildən istifadəyə verilib. İdman obyekti 2007-ci ildə tam təmir olunaraq yenidən qurulub.
Ümumi ərazisi 0,22 hektar olan mərkəzin atletika manejinin uzunluğu 96 metr, eni isə 30 metrdir. Manejin ətrafında 6 qaçış zolağı olan yeni cığırlar (3 dairəvi və 3 düz) quraşdırılıb. Dairəvi zolaqlar müvafiq olaraq 200, 207 və 217 metrdir. Düz qaçış zolaqlarının uzunluğu 100 metrdir. Manej həmçinin baryerlər, şüvüllə və hündürlüyə tullanma üçün müasir avadanlıqlarla təchiz olunub.
7482 oxunub
