İdman 21:37 / 13.05.2025
Masallı rayon İcra Hakimiyyətinin başçısı Araz Əhmədov Böyük Kolatan kəndində xeyriyyəçilərin maliyyə dəstəyi hesabına inşa olunmuş minifutbol stadionun açılış mərasimində iştirak edib.
Rayon rəhbəri çıxışı zamanı ölkədə idmana göstərilən diqqət və qayğıdan danışıb, yeni stadionun açılışı münasibəti ilə kənd sakinlərini təbrik edib. Onu da bildirib ki, Böyük Kolatan kəndində yeniyetmə və gənclərin asudə vaxtlarının səmərəli istifadə etməsi, idmana marağın artırılması və sağlam həyat tərzi ilə əlaqədar olaraq xeyriyyəçilər tərəfindən tikilmiş minifutbol meydançası üçün 2100 kvadratmetr süni ot örtüyü döşənmiş və stadionda digər şəraitin yaradılması üçün ümumilikdə 20 min manat məbləğində vəsait xərclənib.
Yaradılmış şəraitlə əlaqədar rayonun Böyük Kolatan kəndində "Kolatan” uşaq futbol klubu yaradılıb.
14105 oxunub
