Bakıda keçiriləcək Dünya Kubokunun seçmə mərhələsinin iştirakçıları müəyyənləşib
İdman 11:09 / 30.01.2025
Azərbaycanda ilk dəfə keçiriləcək basketbolun 3x3 növü üzrə Dünya Kubokunun seçmə mərhələ oyunlarında iştirak edəcək milli komandaların adına aydınlıq gəlib.
Azərbaycan Basketbol Federasiyasının mətbuat xidmətindən verilən məlumata görə, seçmə mərhələdə Azərbaycanın kişi və qadın yığmaları ilə yanaşı, Monteneqro, Kanada, Böyük Britaniya, Ruanda, İran (kişilər), Çili, Latviya, Çin Taypeyi, Braziliya və Misir (qadınlar) kollektivləri mübarizə aparacaqlar.
Qeyd edək ki, kişi və qadın kateqoriyalarında ən yaxşı 3 yığma Dünya Kubokunun əsas mərhələsində iştirak etmək hüququ qazanacaq. Oyunlar mayın 24-25-də keçiriləcək.
5281 oxunub
