İdman 15:15 / 25.07.2024
Azərbaycanın yeniyetmə stolüstü tennisçiləri Onur Quluzadə və Yağmur Məmmədli növbəti təlim-məşq toplanışlarında iştirak edəcəklər.
Azərbaycan Stolüstü Tennis Federasiyasının mətbuat xidmətindən verilən məlumata görə, komanda üzvləri bu məqsədlə əvvəlcə Çin Xalq Respublikasına yollanıblar. Onlar avqustun 12-dək baş məşqçi Mixail Timofeyevin rəhbərliyi ilə Şanxay şəhərinin stolüstü tennis mərkəzində toplanışda olacaqlar.
Onur Quluzadə ilə Yağmur Məmmədli ardınca qitənin ən istedadlı stolüstü tennisçiləri üçün Strasburqda təşkil ediləcək "Eurotalents” təlim-məşqlərinə qatılacaqlar.
Qeyd edək ki, bu toplanışlar 2011-ci il təvəllüdlü və daha kiçik yaşlıların avqustun 23-dən 25-dək Fransanın Şiltiqheym şəhərində keçiriləcək "Euro Mini Champs” yarışına hazırlıq məqsədi daşıyır.
11987 oxunub
