İdman 13:40 / 27.05.2024
Azərbaycan sumoçuları Yunanıstanın Lutraki şəhərində keçirilən U-21, U-23 və böyüklər arasında Avropa çempionatında 11 medal qazanıblar.
Gənclər və İdman Nazirliyinin mətbuat xidmətindən verilən məlumata görə, U-21 yaş kateqoriyasında Abdullah Şərif (85 kq) qızıl, Cavidan Nəhmətov (77 kq) və Fərid Əhmədov (92 kq) bürünc medala sahib olublar.
U-23 yaş kateqoriyası üzrə Abdullah Şərif (85 kq) gümüş, Xasay Yusif (115 kq və mütləq çəki) 2 bürünc medala layiq görülüb. Digər idmançılarımızdan Cavidan Nəhmətov (77 kq) və Məhəmməd Əliyev (70 kq) bürünc medal əldə edib.
Böyüklər arasında isə Çingiz Səmədov (100 kq) gümüş, Abdullah Şərif (85 kq) və Rəsul Məmmədzadə (77 kq) bürünc medal qazanıblar.
Qeyd edək ki, bu nəticə ilə böyüklərdən ibarət yığma komanda hesabında üçüncü olub.
11468 oxunub
