İdman 16:04 / 22.02.2024
Ağırlıqqaldırma ailəsinə itki üz verib. Tanınmış mütəxəssis, Əməkdar məşqçi, Əməkdar Bədən Tərbiyəsi və İdman Xadimi, müəllim, dosent Qubad Cəbrayılov dünyasını dəyişib.
Bu barədə Azərbaycan Ağırlıqaldırma Federasiyasından məlumat verilib.
Qubad Əli oğlu Cəbrayılov 1939-cu il aprel ayının 15-də Masallı rayonunda anadan olub. Karyerası ərzində ağırlıqqaldırma üzrə yüngül çəkidə respublika rekordçusu, çempionu və mükafatçısı olub, idman ustası normativini yerinə yetirib, respublika yığma komandasının üzvü kimi müxtəlif miqyaslı yarışlarda Azərbaycanı təmsil edib.
Q.Cəbrayılovun məşqçilik karyerası da uğurlu olub. Onun rəhbərliyi altında idman ustaları, müxtəlif yarışlarına qalibləri, həmçinin ilk beynəlxalq dərəcəli idman ustası - Cəbrayıl Cəbrayılov yetişib.
Qubad Cəbrayılov həmçinin beynəlxalq dərəcəli hakim olub, 1998-ci ildən müxtəlif beynəlxalq turnirlərdə ölkəmizi təmsil edib.
1964-cü ildən paralel olaraq müəllimlik fəaliyyəti ilə də məşğul olub, 1966-cı ildə ATU-nun Bədən tərbiyəsi kafedrasında müəllim, 1973-cü ildən ADBTİA-da müəllim, 1984-cü ildən isə baş müəllim vəzifəsində çalışıb, dosent olub.
Əldə etdiyi müvəffəqiyyətlər dövlət tərəfindən yüksək qiymətləndirilib və 1996-cı ildə ona Azərbaycan Respublikasının Əməkdar məşqçisi, 2011-ci ildə isə Azərbaycan Respublikasının Əməkdar Bədən Tərbiyəsi və İdman Xadimi adları verilib.
Allah rəhmət eləsin!
2610 oxunub
.jpg)
