"Təhsil” Respublika İdman Mərkəzinin 4 nömrəli İxtisaslaşdırılmış Olimpiya Ehtiyatları Uşaq Gənclər İdman Şahmat məktəbinin təşkilatçılığı ilə ümummilli lider Heydər Əliyevin anadan olmasının 99-cu ildönümünə həsr olunmuş şahmat turniri keçirilib. Aprelin 29-dan mayın 3-dək keçirilən yarışın açılış mərasimində ümummilli lider Heydər Əliyevin əziz xatirəsi dərin hörmətlə anılıb, yarış iştrakçılarına ulu öndərin həyat yolu haqqında ətraflı məlumat verilib. Turnir iki bazada 4 nömrəli İxtisaslaşdırılmış Olimpiya Ehtiyatları İdman Məktəbinin əsas binası və Binəqədi rayonu 244 nömrəli məktəbdə eyni vaxta start götürüb.
Yarış hər iki mərkzdə İsveçrə sistemi üzrə 9 turdan ibarət olmaqla keçirilib. Turnirdə ümumilikdə 16 yaşadək 217 nəfər şahmatçı mübarizə aparıb. Yarışda mükafatçılar sırasında yer alan şahmatçılar diplom, medal, kubok və xatirə hədiyələri ilə təltif olunublar.