Qadın şahmatçılarımız Avropa çempionatında yarışacaqlar
İdman 12:23 / 10.04.2019
Azərbaycanın 10 qadın şahmatçısı bu gün Türkiyənin Antalya şəhərində start götürəcək Avropa çempionatında iştirak edəcək.
20-ci
dəfə təşkil olunacaq yarışda ölkəni Günay Məmmədzadə, Xanım Balacayeva,
Gülnar Məmmədova, Gövhər Beydullayeva, Zeynəb Məmmədyarova, Ülviyyə
Fətəliyeva, Türkan Məmmədyarova, Xəyalə Abdulla, Fidan Ağasiyeva və
Nərmin Söyünlü təmsil edəcək.
İsveçrə sistemi ilə keçiriləcək fərdi
mübarizə 11 turdan ibarət olacaq. Aprelin 23-dək davam edəcək Avropa
çempionatının mükafat fondu 60 min avrodur. Qalib 10 min avro qazanacaq.
Yarışda ilk 14 yeri tutacaq şahmatçılar Dünya Kubokuna vəsiqə əldə
edəcəklər.
Qeyd edək ki, Avropa çempionatı Bakı vaxtı ilə saat 16:00-da başlayacaq. Hələlik yarışın püşkü atılmayıb.
22758 oxunub