XƏBƏR LENTİ
13 Avqust 2020
12 Avqust 2020
11 Avqust 2020



Real Madrid" Fondundan sosial yardım
İdman 21:59 / 21.05.2020
Gənclər və İdman Nazirliyinin təşkilatçılığı ilə mayın 19-da​ "Evdə qalın, saglam olun” və "Biz birlikdə güclüyük” devizi altında növbəti yardım kampaniyası keçirilib.
Nazirliyin mətbuat xidmətindən "Olimpiyadunyasi.com" saytına daxil olan xəbərdə bildirilir ki,​ 2013-cü ildən ölkəmizdə fəaliyyət göstərən və əsasən əhalinin həssas təbəqələrinin nümayənələrindən olan uşaqların cəlb olunduğu "Real Madrid" Fondunun Azərbaycan Sosial Futbol Məktəbinin üzvlərinə ərzaq yardımı göstərilib.​ ​
Məktəbin əməkdaşlarının iştirakı ilə 80-dən çox şagird və 12 nəfərdən ibarət işçi heyətinə yardım paketləri çatdırılıb.
Qeyd edək ki, "Real Madrid" Fondunun sosial futbol məktəbi Gənclər və İdman Nazirliyi ilə Fondun 2013-cü ildə imzaladığı əməkdaşlıq müqaviləsi çərçivəsində yaradılıb. İlk layihə uğurlu nəticə göstərdiyinə görə, 2018-ci ilin yanvar ayında yeni müqavilə imzalanıb və məktəbin fəaliyyəti 2022-ci ilə qədər uzadılıb. Bu müddət ərzində yüzlərlə şagird futbola cəlb olunub və onlardan bəziləri hazırda peşəkar karyerasını davam etdirir.
Xatırladaq ki,​ "Real Madrid" Fondunun Azərbaycandakı sosial futbol məktəbi MDB məkanında birinci, Avropada 8-ci olaraq yaradılıb.

1762 oxunub

InvestAZ