XƏBƏR LENTİ
29 Mart 2024
27 Mart 2024
26 Mart 2024
25 Mart 2024



Dünya karatesinin ”Brilyant”ı qızıl medal həsrətinə Moskvada son qoydu
İdman 12:34 / 06.10.2019

Rusiyanın paytaxtı Moskvada keçirilən "Karate-1” Premyer Liqa turnirinə yekun vurulub. Azərbaycan karateçiləri nüfuzlu yarışda üç medal qazanıblar. Yarışda 75 kq çəki dərəcəsində mübarizə aparan Rafael Ağayev mərakeşli Yassin Sekuri, Rodriqo İbanez (İspaniya) və Slovakiya təmsilçisi Matus Lieskovskini məğlub edərək yarımfinala yüksəlib. Finala gedən yolda karateçimizin rəqibi İran təmsilçisi Bəhmən Əsgəri olub. Rəqibinə qalib gələn R.Ağayev turnirin finalına yüksəlib. Beşqat dünya çempionumuz qızıl medal uğrunda görüşdə qazaxıstanlı Yermek Aynəzərovu üstələyərək uzun müddətdən sonra qızıl medala layiq görülüb.

Digər karateçimiz İrina Zaretska (68 kq) Braziliya təmsilçisi Natalia Spiqolon, danimarkalı Ketrin Pederson və çinli Linqlinq Tanqı məğlub edərək yarımfinala vəsiqə qazanıb. Marina Pakoviçə (Monteneqro) qalib gələn İ.Zaretska turnirin finalına adlayıb. Həlledici görüşdə çinli Qonq Liyə qalib gələn İ.Zaretska Premyer Liqa turnirinin qızıl medalını qazanıb.

Nuranə Əliyeva (50 kq) isə turniri üçüncü pillədə başa vurub.

"Karate -1” Premyer Liqa turnirinin Moskva mərhələsində 85 ölkədən 642 idmançı yarışıb.

20580 oxunub

InvestAZ