XƏBƏR LENTİ
30 May 2024
29 May 2024
28 May 2024
27 May 2024
24 May 2024



Bakıda bədii gimnastika üzrə Dünya Kuboku start verilib
İdman 12:43 / 19.04.2024

Bakıda bədii gimnastika üzrə Dünya Kubokuna start verilib.

Milli Gimnastika Arenasında təşkil edilən yarışda 41 ölkəni təmsil edən 116 idmançı iştirak edir.

Turnirdə gimnastika növünün ən zərif nümayəndələri fərdi və qrup hərəkətləri proqramında ayrı-ayrı alətlər və çoxnövçülük proqramında mübarizə aparırlar.

Azərbaycanı yarışda fərdi proqramda Zöhrə Ağamirova, qrup hərəkətləri proqramında isə Zeynəb Hümmətova, Güllü Ağalarzadə, Darya Sorokina, Yelizaveta Luzan, Ləman Əlimuradova və Kamilla Əliyevadan ibarət komanda təmsil edir.

Ənənəyə uyğun olaraq kubokda ən çox icra xalını toplamış gimnast və qrup komandasına ənənəvi "AGF Trophy” Kuboku təqdim olunacaq.

Qeyd edək ki, bu, ölkəmizdə bədii gimnastika üzrə keçirilən 10-cu Dünya Kubokudur. Turnirə aprelin 21-də yekun vurulacaq.


1681 oxunub

InvestAZ