XƏBƏR LENTİ
25 İyun 2022
24 İyun 2022
23 İyun 2022
22 İyun 2022
20 İyun 2022
16 İyun 2022
15 İyun 2022
14 İyun 2022
11 İyun 2022



Boksçularımızın Fərqanə sınağı 4 medalla yadda qaldı
Foto 14:35 / 25.05.2022
Özbəkistanın Fərqanə şəhərində yeniyetmə boksçular arasında keçirilən İsrailjon Rüstəmovun xatirəsinə həsr olunmuş beynəlxalq turnirə yekun vurulub. Yarışda Azərbaycan, Özbəkistan, Qazaxıstan, Tacikistan və Qırğızıstandan ümumilikdə 164 idmançı qüvvəsini sınayıb. Turnirə baş məşqçi Vaqif Kazımov və Ağası Məmmədovun rəhbərliyi altında yollanan millimiz Vətənə 1 qızıl, 1 gümüş və 2 bürünc medalla qayıdıb. Final döyüşlərində Azərbaycan millisinin 2 boksçusu çempionluq döyüşünə çıxıb. Yığmamızın üzvü Məhəmmədəli Aşurəliyev (54 kq) həlledici qarşılaşmada qazaxıstanlı Bekkoja Jaksılıqla üz-üzə gəlib. Gərgin idman mübarizəsi şəraitində keçən döyüşdə qələbə qazanan idmançımız fəxri kürsünün ən yüksək pilləsinə qalxıb.

Tağı Nəsibovun (50 kq) finaldakı rəqibi isə özbəkistanlı İlhom Erqaşev olub. Qarşılaşma ev sahibinin qələbəsi ilə yekunlaşdığından təmsilçimiz gümüş medalla kifayətlənib.

Bürünc medalları isə komandamıza Məhəmmədəli Qasımzadə (57 kq) və Ziya Həsənov (66 kq) qazandırıb.

Qeyd edək ki, yarışın yekununda Azərbaycan millisinin baş məşqçisi Vaqif Kazımov və referimiz Fikrət Hacıyevə fəxri diplomlar verilib.
4435 oxunub

InvestAZ