XƏBƏR LENTİ
29 Mart 2024
27 Mart 2024
26 Mart 2024
25 Mart 2024



Komandamız​ top divizionda mübarizə aparacaq
İdman 20:17 / 28.07.2020

Ümumdünya Şahmat Olimpiadası çərçivəsində baza divizionunda birinci mərhələnin oyunları başa çatıb.

3 qrup üzrə mübarizə aparan 30 komandadan 12-si dördüncü diviziona yüksəlib. Belə ki, "A” qrupunda Myanma (18 xal), Bruney Darüssalam (16 xal), Pakistan, Oman (hərəyə 13 xal), "B” qrupunda Livan (18 xal), Qətər (15 xal), Bəhreyn (14 xal), Liberiya (10 xal), "C” qrupunda Kipr (18 xal), Aruba (15 xal), Haiti (12 xal), Mavritaniya (10 xal) komandaları növbəti mərhələyə vəsiqə qazanıblar.
Dördüncü divizionun oyunları iyulun 31-dən avqustun 2-dək keçiriləcək.
Turnirə, ümumilikdə 163 komanda qatılıb. Azərbaycan şahmatçıları top divizionda mübarizə aparacaqlar. Bu nüfuzlu yarışda ölkəmizi Şəhriyar Məmmədyarov, Teymur Rəcəbov, Günay Məmmədzadə, Gülnar Məmmədova, Vüqar Əsədli və Xanım Balacayeva təmsil edirlər. Olimpiada avqustun 30-dək davam edəcək.
Xatırladaq ki, Ümumdünya Şahmat Olimpiadası ilk dəfə 1927-ci ildə Londonda keçirilib. Yarış 1950-ci ildən başlayaraq iki ildən bir təşkil olunur. Azərbaycan 2016-cı ildə 42-ci Ümumdünya Şahmat Olimpiadasına ev sahibliyi edib. Sonuncu – 43-cü Olimpiada Batumidə təşkil olunub.


19209 oxunub

InvestAZ