XƏBƏR LENTİ
18 Fevral 2020
07 Fevral 2020
06 Fevral 2020
02 Fevral 2020
26 Yanvar 2020
24 Yanvar 2020
23 Yanvar 2020
22 Yanvar 2020
20 Yanvar 2020
19 Yanvar 2020
16 Yanvar 2020
15 Yanvar 2020
14 Yanvar 2020
13 Yanvar 2020



On ikinci Afrika Oyunları keçirilir
Olimpiya Hərəkatı 12:15 / 21.08.2019

Mərakeşdə, Rabatın şahzadə Mulay Abdulla adına idman kompleksində Afrika Oyunlarının təntənəli açılış mərasimi təşkil edilib. Bu, qitə tarixində 12-ci yarışlar olacaq.
Müasir rəqəmsal texnologiyanın tətbiq olunduğu, populyar müğənni və rəqs kollektivlərinin iştirak etdiyi rəngarəng şounu tribunaya toplaşan minlərlə tamaşaçı izləyib. Fəxri qonaqlar kürsüsündə ölkə kralının qardaşı, şahzadə Mulay Rəşid, Afrika İttifaqı komissiyasının sədri Musa Faki Mahamat və digər yüksəkvəzifəli şəxslər əyləşiblər.
Mərasimdə Afrika İttifaqının himni, Olimpiya himni və Mərakeşin milli himni səsləndirilib. Şahzadə Mulay Rəşid avqustun 31-dək davam edəcək Afrika Oyunları – 2019-un açılışını elan edib.
Kral VI Məhəmmədin himayədarlığı ilə keçiriləcək yarışlarda dünyanın 50-dən artıq ölkəsindən 6400-ə yaxın idmançı iştirak edir. Onlar idmanın 29 növündə, o cümlədən yüngül atletika, basketbol, güləş, velosiped idmanı, voleybol, həndbol, gimnastika, kanoyda avarçəkmə, cüdo, karate, atçılıq idmanı, üzgüçülük, tennis, qılıncoynatma, futbol, şahmat və s. növlərdə medallar uğrunda mübarizə aparacaqlar. İdmanın 17 növündə isə Tokio Yay Olimpiya Oyunlarına lisenziyalar oynanılacaq.
Yarışlar altı şəhərdə - Rabat, Sale, Kasablanka, Bensliman, Temara və Əl-Cədiddə keçiriləcək. Ümumafrika şahmat çempionatı ekspertlərin və azarkeşlərin ayrıca diqqətini çəkir. Çempionat Beynəlxalq Şahmat Federasiyasının (FIDE) himayədarlığı ilə Oyunlar çərçivəsində avqustun 23-dən 28-dək Kasablankada təşkil olunacaq.
Qeyd edək ki, Afrika Oyunları ilk dəfə 1965-ci ildə Brazzavildə (Konqo Respublikası) təşkil olunub. Mərakeşdə daha əvvəl qitə yarışları keçirilməyib. Oyunların Təşkilat Komitəsi qonaqlara kömək məqsədilə iki midən artıq könüllü cəlb edib.

4925 oxunub

InvestAZ