.jpg)
İdman 01:54 / 11.02.2026
İtaliyada keçirilən Milan-Kortina-2026 Qış Olimpiya Oyunları çərçivəsində fiqurlu konkisürmə yarışlarında Azərbaycanı təmsil edən Vladimir Litvintsev çıxışını başa vurub.
Olimpiyadunyasi.com xəbər verir ki, Azərbaycan təmsilçisi fevralın 10-da qısa proqramda mübarizə aparıb.
Çin Xalq Respublikası, ABŞ, Koreya Respublikası, Slovakiya və Latviya idmançılarının da yer aldığı üçüncü qrupda çıxış edən Vladimir Litvintsev hakimlərdən 63,63 bal alıb. Bu nəticə ilə o, 29 iştirakçı arasında sonuncu olub.
Yarışın qaydalarına əsasən, 29 idmançıdan ilk 24-lüyə düşən fiqurlu konkisürənlər fevralın 13-də keçiriləcək sərbəst proqramda çıxış etmək hüququ qazanıblar.
Qeyd edək ki, Azərbaycan Milan-Kortina 2026 Qış Olimpiya Oyunlarında iki idmançı ilə təmsil olunur. Vladimir Litvintsevdən başqa, Anastasiya Papatoma da olimpiadada mübarizə aparacaq. O, fevralın 18-də İtaliyanın Kortina Ampetso şəhərində keçirilən dağ xizəyi üzrə yarışlarda çıxış edəcək.
10792 oxunub
.jpg)
