.png.jpg)
.jpg)
İdman 23:08 / 09.05.2025
Futbol üzrə Misli Premyer Liqasında XXXIV turun oyunlarına start verilib.
"Olimpiyadunyasi.com" xəbər verir ki, turun açılış oyununda "Sabah" və "Şamaxı" komandaları üz-üzə gəlib. Bank Respublika Arenada təşkil olunan oyunda qapılara dörd qol vurulub. Oyun meydan sahiblərinin 3:1 hesablı qələbəsi ilə yekunlaşıb. Oyunda hesabı 12-ci dəqiqədə "Sabah”ın futbolçusu İqor Noqeyra açıb. Lakin qonaqlar matçın 26-cı dəqiqəsində hesabdakı tarazlığı bərpa ediblər. Leroy Mikeles fərqlənib -1:1. Oyunun ikinci hissəsində "Sabah” İqor Noqeyra (72-ci dəqiqə) və Pavol Safrankonun (90+3) vurduğu qollarla meydanı qələbə ilə tərk edib.
Bu nəticədən "Sabah” komandası 44 xalla turnir cədvəlinin beşinci, "Şamaxı" isə 36 xalla yeddinci pilləsində qərarlaşıb.
Qeyd edək ki, turun növbəti oyunları mayın 10-11-də keçiriləcək.
14413 oxunub
.png.jpg){kind=spacer}
