XƏBƏR LENTİ
19 Sentyabr 2020
18 Sentyabr 2020
17 Sentyabr 2020
16 Sentyabr 2020
15 Sentyabr 2020



Zəka sahibimiz Avropa çempionu oldu
İdman 17:44 / 20.05.2020

Azərbaycan şahmatçısı 14 yaşlı Gülsənəm Ağayeva rapid üzrə qızlar və oğlanlar arasında keçirilən onlayn Avropa çempionatında qızıl medal qazanıb.
53 ölkədən 1600-ə qədər şahmatçının iştirak etdiyi qitə çempionatının A qrupunda (reytinqi 1400-ə qədər olan şahmatçılar arasında) mübarizə aparan G.Ağayeva 7,5 xalla qızlar arasında qalib olub. Şahmatçımız oğlanlar və qızlar arasında yarışın nəticəsinə görə isə ikinci yeri tutub.
G.Ağayeva "Təhsil” RİM-in Lənkəran Şəhər Uşaq-Gənclər Şahmat Məktəbinin yetirməsidir. Məktəbin məşqçi-müəllimi Hikmət Şükürovun verdiyi məlumata görə, G.Ağayeva bu il İranın Rəşt şəhərində keçirilmiş beynəlxalq turnirdə 14 yaşadək şahmatçı qızlar arasında qalib adını qazanıb. O, Ağcabədidə yeniyetmə şahmatçılar arasında keçirilmiş Azərbaycan birinciliyinin seçmə yarışlarında da uğurla çıxış edərək 14 yaşlı qızlar arasında birinci yeri tutub. G.Ağayeva "Təhsil” RİM-in blits üzrə builki onlayn respublika birinciliyində isə ikinci pillədə qərarlaşıb. Bundan başqa, o, 2018-ci ildə keçirilmiş respublika şahmat olimpiadasında 12 yaşadək qızlar arasında ikinci, 16 yaşadək qızlar arasında isə üçüncü yeri tutub.


3031 oxunub

InvestAZ