XƏBƏR LENTİ
17 Yanvar 2026
16 Yanvar 2026
14 Yanvar 2026
13 Yanvar 2026
12 Yanvar 2026
09 Yanvar 2026
08 Yanvar 2026
07 Yanvar 2026
06 Yanvar 2026
Çempionlar Liqası: qələbə növbəti mərhələyə vəsiqə vəd edir
İdman 10:13 / 26.11.2019
Bu gün UEFA Çempionlar Liqasında 5-ci turun görüşlərinə start veriləcək. İlk oyun günündə 8 komanda növbəti mərhələyə vəsiqə uğrunda yarışacaq.
Günün maraqlı görüşləri sırasında "Liverpul”- "Napoli” matçı qrup liderini müəyyənləşdirəcək. Paralel keçirilən görüşdə "Genk” "Zalsburq” cütünün mübarizəsində qalib tərəf növbəti mərhələ şansını əldə edə biləcək. F qrupunda "Barselona” Dortmund "Borussiya”sını qəbul edəcək. Cütün ilk görüşündə heçə-heçəyə razılaşan tərəflərdən biri qələbə qazandığı təqdirdə növbəti mərhələyə yüksələcək. Əgər qalib müəyyənləşməsə, qrupun digər görüşündə "İnter” "Slaviya”nı məğlub edib, ən azı Almaniya təmsilçisi ilə xallarını bərabərləşdirəcək. G qrupunda "Zenit”in "Lion”u məğlub etməkdən başqa çarəsi yoxdur. Rusiya təmsilçisi 3 xal müqabilində Çempionlar Liqasındakı çıxışını davam etdirə bilər. Son turlarda öz oyunu ilə bütün Avropanı heyrətləndirən "Leyptsiq” doğma azarkeşlər önündə "Benfika”nı sınağa çəkəcək. Almaniya klubu bu matçın aşkar favoriti sayılır. H qrupunda 4 turdan sonra üç komandanın 7 xalı var. Maraqla gözlənilən qarşılaşmalardan biri "Mestalya”da keçiriləcək. Aktivində 7 xalı olan "Valensiya” və "Çelsi” qələbə üçün üz-üzə gələcək. Bu komandalar arasında qeydə alına biləcək heç-heçə "Ayaks”ın işini asanlaşdıracaq. Çünki Amsterdam təmsilçiləri səfərdə autsayder "Lill”ə qarşılaşacaq.
UEFA Çempionlar Liqasında 5-ci turun digər 8 qarşılaşması isə sabah keçiriləcək. Həmin görüşlər arasında da azakerkeşlərin maraqla gözlədiyi matçlar diqqət mərkəzində olacaq.
UEFA Çempionlar Liqasında
5-ci turun təqvimi:
27 noyabr
E qrupu
Saat: 00:00 Liverpul (İngiltərə) - Napoli (İtaliya)
Saat: 00:00 Genk (Belçika) - Zalsburq (Avstriya)
F qrupu
Saat: 00:00 Barselona (İspaniya) - Borussiya.D (Almaniya)
Saat: 00:00 Slaviya (Çexiya) - İnter (İtaliya)
G qrupu
Saat: 21:55 Zenit (Rusiya) - Lion (Fransa)
Saat: 23:00 Leyptsiq (Almaniya) - Benfika (Portuqaliya)
H qrupu
Saat: 21:55 Valensiya (İspaniya) - Çelsi (İngiltərə)
Saat: 00:00 Lill (Fransa) - Ayaks (Hollandiya)
28 noyabr
A qrupu
Saat: 20:55 Qalatasaray (Türkiyə) - Brügge (Belçika)
Saat: 00:00 Real (İspaniya) - PSJ (Fransa)
B qrupu
Saat: 00:00 Tottenhem (İngiltərə) - Olimpiakos (Yunanıstan)
Saat: 00:00 Srvena Zvezda (Serbiya) - Bavariya (Almaniya)
C qrupu
Saat: 00:00 Mançester S. (İngiltərə) - Şaxtyor (Ukrayna)
Saat: 00:00 Atalanta (İtaliya) - Dinamo (Xorvatiya)
D qrupu
Saat: 20:55 Lokomotiv (Russiya) - Bayer (Almaniya)
Saat: 00:00 Yuventus (İtaliya) - Atletiko (İspaniya)
32043 oxunub
