XƏBƏR LENTİ
19 İyul 2025
18 İyul 2025
15 İyul 2025
14 İyul 2025
11 İyul 2025
10 İyul 2025
09 İyul 2025
08 İyul 2025
07 İyul 2025
04 İyul 2025



Fudokan karateçilərimizdən dünya çempionatında uğurlu nəticə
İdman 00:35 / 12.05.2025
Mayın 8-11-də Polşanın Pulavı şəhərində ənənəvi karate üslubu fudokan üzrə 10-cu dünya çempionatın keçirilib.
Yarışda Azərbaycan Karate Federasiyasının milli komandası da qüvəsini sınayıb. İdmançılarımız beynəlxalq yarışda ümumilikdə 9 (5 qızıl, 2 gümüş və 2 bürünc) medal qazanıblar.
Yarışda qızıl medala layiq görülən idmançılar arasında böyüklər arasında +80 kq çəki dərəcəsində Hacıəli Vəlizadə, U21 kateqoriyasında -60 kq-da Vüsal Seyidov, gənclər arasında -75 kq-da Tahir Ələkbərov, gənc qızlar arasında -60 kq-da Şəfaqət Zeynallı və yeniyetmələr arasında -60 kq çəki dərəcəsində Qorxmaz Səfərli yer alıb.
Gümüş medalları böyüklər arasında mütləq çəki dərəcəsində çıxış edən Babək Qələmzadə və gənclər arasında +65 kq-da Məhəmməd Bağırov qazanıblar.
Bürünc medallara isə böyüklər arasında -80 kq çəki dərəcəsində Kamran Heydərzadə və veteranlar arasında +75 kq-da Siyavuş Bayramov sahib olublar.
Dünya çempionatında milli komandamıza Azərbaycan Karate Federasiyası prezidentinin köməkçisi və fudokan üslubu üzrə rəsmi nümayəndə Vüsal Abdullazadə rəhbərlik edib.

4829 oxunub

InvestAZ