.jpg)
İdman 14:20 / 29.03.2024
Fransa şəhərlərinin merləri Paris-2024 Yay Olimpiya Oyunları ərəfəsində Parisdən miqrantların gəlişindən narazıdırlar.
Şəhər rəhbərləri bu qərarı 2024-cü il Yay Olimpiya Oyunları ərəfəsində aparılan təmizləmələrlə əlaqələndirirlər. Belə ki, Orlean meri onun xəbəri olmadan artıq şəhərə 500-ə yaxın evsiz miqrantın gəldiyini bildirib. Oxşar hadisə Strasburq meriyası tərəfindən də qeydə alınıb.
"Müşahidə olunub ki, hər üç həftədən bir Parisdən avtobus Orleana 35-50 sərnişinlə gəlir", - Inside the Games nəşri Orlean şəhərinin meri Serj Qrouardan sitat gətirib.
Qeyd edək ki, bundan əvvəl Lavora meri açıq məktub dərc edərək, miqrantların köçürülməsi siyasətini "məsuliyyətsiz” və "təhlükəli” adlandırmışdı.
Məlumat üçün bildirək ki, Parisdə Yay Olimpiya Oyunları iyulun 26-dan avqustun 11-dək keçiriləcək.
6295 oxunub
