XƏBƏR LENTİ
25 Sentyabr 2022
22 Sentyabr 2022
21 Sentyabr 2022
20 Sentyabr 2022
16 Sentyabr 2022
15 Sentyabr 2022



Tədqiqatçı alimin yeni monoqrafiyası  çapdan çıxıb
İdman 15:23 / 07.07.2022
Prezident təqaüdçüsü, pedaqogika üzrə elmlər doktoru, professor Dilqəm Quliyevin «75 il öncə başlanan yol...- "İdmanın təkmübarizlik növləri kafedrası” (1947-2022) adlı kitabı çapdan çıxıb. Monoqrafiya Azərbaycan Dövlət Bədən Tərbiyəsi və İdman Akademiyasının Elmi şurasının 2022-ci il 28 aprel tarixli iclasında müzakirə edilərək bəyənilmiş və nəşri məqsədəuyğun sayılmışdır.
Oxuculara təqdim olunan bu monoqrafiya Azərbaycan Dövlət Bədən Tərbiyəsi və İdman Akademiyasının "İdmanın təkmübarizlik növləri kafedrası”nın 75 illik yubileyinə həsr edilmiş, tədris, metodiki və elmi-tədqiqat, elmi-pedaqoji və elmi işçilərin hazırlanması işlərinin həyata keçirirlməsi, tələbə və məzunlarının idman nailiyyətləri barədə ensiklopedik məlumatlar toplusudur. Monoqrafiyada "İdmanın təkmübarizlik növləri kafedrası”nın tələbə və məzunlarının birinci və ikinci Qarabağ müharibəsində milli qəhrəman və şəhid idmançıları, generalları haqqında konkret faktlar öz əksini tapmışdır.
Monoqrafiya Milli Olimpiya Komitəsinin, Azərbaycan Respublikası Gənclər və İdman Nazirliyinin əməkdaşları, Azərbaycan Dövlət Bədən Tərbiyəsi və İdman Akademiyasının "İdmanın təkmübarizlik növləri” kafedrasının professor-müəllim heyəti, doktorantlar, bakalavrlar, magistrlər, ali və orta məktəb müəllimləri, şagird və tələbələr, bədən tərbiyəsi və idman sahəsində çalışan mütəxəssislər, habelə geniş oxucu kütləsi üçün nəzərdə tutulub.

6457 oxunub

InvestAZ