XƏBƏR LENTİ
30 May 2024
29 May 2024
28 May 2024
27 May 2024
24 May 2024
23 May 2024



Cüdoçularımız “Böyük Dəbilqə” turnirində mübarizəyə başlayırlar
İdman 11:34 / 10.05.2024

Bu gün Qazaxıstanın paytaxtı Astanada cüdo üzrə "Böyük Dəbilqə" turniri start verilib. 84 ölkədən 450 (235 kişi, 215 qadın) cüdoçunun iştirak etdiyi yarışda Azərbaycan cüdoçuları da qüvvələrini sınayırlar.

Komandamız turnirdə 15 (12 kişi, 3 qadın) cüdoçu ilə təmsil olunur.

Yarışın ilk günündə komndamızın 7 cüdoçusu 4 çəki dərəcəsində mübarizəyə başlayacaq.

Təmsilçilərimizdən kişilər arasında Əhməd Yusifov, Nazir Talıbov (hər ikisi 60 kq), Ruslan Paşayev, Kamran Süleymanov (hər ikisi 66 kq) tatami üzərinə çıxacaq. Qadınların mübarizəsində isə Leyla Əliyeva (48 kq), Açelya Toprak və Fidan Əlizadə (hər ikisi 57 kq) mübarizə aparacaq.

Tuirnirə mayın 12-də yekun vurulacaq.


2131 oxunub

InvestAZ