XƏBƏR LENTİ
16 Aprel 2024
15 Aprel 2024
14 Aprel 2024
Azərbaycan gimnastları fərdi proqramda çıxışlarını başa vurublar
İdman 15:22 / 18.05.2019
Bakıda bədii gimnastika üzrə 35-ci Avropa çempionatı tam gərginliyi ilə davam edir.
Çempionatda dünyanın 35 ölkəsindən gimnastlar mübarizə aparırlar.
Xatırladaq ki, Bakı bundan əvvəl 2007-ci, 2009-cu və 2014-cü illərdə də bədii gimnastika üzrə Avropa çempionatına ev sahibliyi edib.
Yarışların 3-cü gnünündə böyük gimnastlar fərdi proqramda gürzlər və lentlə çıxış edirlər. Ölkəmizi bu proqramda B qrupunda Zöhrə Ağamirova və Veronika Qudis təmsil edirlər.
Zöhrə Ağamirova gürzlərlə çıxışına görə, hakimlərdən 20,800, lentlə mübarizəyə görə 16,175 xal alıb. İki təsnifat mərhələsinin yekununa əsasən idmançımız gürzlərlə çıxışı görə beşinci, lentlə mübarizəsində 16-cıdır. İdmançımız bundan əvvəl fərdi proqramda halqa ilə hərəkətlərdə finala vəsiqə qazanıb.
Digər gimnastımız Veronika Qudis isə gürzlərlə çıxışına görə 13-cü (18,800 xal), lentlə yarışlara görə 20-ci (15,200) pillədə qərarlaşıb.
Hazırda böyük gimnastların təsnifat mərhələsinin fərdi proqramında gürzlər və lentlə çıxışları davam edir.
Mayın 19-da yekun vurulacaq çempionatın fərdi proqramında böyük gimnastlar, qrup hərəkətləri proqramında isə gənclərdən ibarət komandalar çıxış edirlər.
Yarışlara mayın 19-da yekun vurulacaq.
24512 oxunub
.jpg)
