Ağırlıqqaldıranımız dünya birinciliyində mübarizə apardı
İdman 19:05 / 26.03.2023
Albaniyanın Dürres şəhərində yeniyetmələr arasında ağırlıqqaldırma üzrə dünya birinciliyi keçirilir. 60-dan çox ölkədən 322 (166 kişi, 156 qadın) atletin iştirak etdiyi yarışda Azərbaycan idmançıları da qüvvələrini sınayırlar.
Ağırlıqqaldıranlarımızdan ilk olaraq körpücük üzərinə Dəniz Cabbarlı çıxıb. O, 55 kq çəki dərəcəsində mübarizə aparıb. Atletimiz birdən qaldırma hərəkətində 92 kq, təkanla qaldırma hərəkətində isə 113 kq-ı ram edib.
Ümumilikdə 205 kq (92+113) nəticə göstərən atletimiz yekun sıralamada 7-ci yeri tutub.
14428 oxunub
