SON XƏBƏRLƏR

BÜTÜN XƏBƏRLƏR

Azərbaycan "Formula 1"in dəstəklədiyi qlobal STEM Racing proqramına qoşulub

Azərbaycan \"Formula 1\"in dəstəklədiyi qlobal STEM Racing proqramına qoşulub 

İdman

17.06.2026, 10:07

Azərbaycan "Formula 1" tərəfindən dəstəklənən beynəlxalq STEM Racing proqramına rəsmən qoşulub.

Olimpiyadunyasi.com Bakı Şəhər Halqasına istinadən xəbər verir ki, ölkədə Bakı Şəhər Halqası Əməliyyat Şirkəti tərəfindən icra olunan layihə mühəndislik təhsilinin təşviqinə və gənclərin yüksək texnologiyalar sahəsində gələcək karyera üçün zəruri bilik və bacarıqlara yiyələnməsinə xidmət edir.

Belə ki, proqram çərçivəsində iştirakçıların hazırlığı üçün nəzərdə tutulan xüsusi təlim mərkəzi – STEM Racing Hub-un açılışı baş tutub. Yeni mərkəz komandaların yarış modellərinin layihələndirilməsi, istehsalı və təkmilləşdirilməsi istiqamətində praktiki fəaliyyət göstərmələri üçün təsis edilib.

Layihənin təqdimat mərasimində çıxış edən gənclər və idman naziri Fərid Qayıbov təşəbbüsün əhəmiyyətini vurğulayıb:

"Ölkəmizin bu qlobal platformanın bir hissəsinə çevrilməsi sevindirici haldır. STEM Racing proqramı məktəblilərə yalnız texniki biliklər qazandırmır, eyni zamanda komanda işi, liderlik və layihələrin idarə olunması kimi vacib bacarıqların inkişafına şərait yaradır. Proqram iştirakçılarının bir çoxu sonradan mühəndislik ixtisasları üzrə təhsil alır, qabaqcıl texnologiya şirkətlərində çalışır və hətta "Formula 1"də karyera qururlar. İnanıram ki, komandamızın dünya finalında iştirakı ölkəmiz üçün dəyərli təcrübə olacaq və minlərlə gəncə ilham verəcək".

Proqram çərçivəsində yaradılmış "Caspian Apex" komandası Azərbaycanı ilk dəfə dünya finalında təmsil edəcək. Yarış 2026-cı il oktyabrın 3–8-dədə Sinqapurda (Sentosa adası) keçirilməklə dünyanın müxtəlif ölkələrindən ən güclü gənc mühəndis komandalarını bir araya gətirəcək.

STEM Racing proqramının iştirakçıları "Formula 1" komandalarının iş prinsiplərinə uyğun fəaliyyət göstərirlər. Hər iştirakçı müəyyən istiqamət üzrə cavabdehdir. Məktəblilər mühəndislik proqramlarından istifadə etməklə yarış modelini layihələndirir, aerodinamik hesablamalar aparır, hissələri 3D printerlər vasitəsilə hazırlayır, sınaqlar həyata keçirir, eyni zamanda marketinq, tərəfdaşlarla iş və təqdimatların hazırlanması istiqamətlərində fəaliyyət göstərirlər.

Proqram çərçivəsində həmçinin 2027-ci ildə Azərbaycanda ilk STEM Racing üzrə milli çempionatın keçirilməsi planlaşdırılır. Çempionatın qalibi ölkəni dünya finalında təmsil etmək hüququ qazanacaq.

Dİgər xəbərlər

Klublarımızın Konfrans Liqasındakı rəqibləri müəyyənləşdi 

20.07.2026, 18:31

Klublarımızın Konfrans Liqasındakı rəqibləri müəyyənləşdi 
Avarçəkmə “İdman paytaxtı” Qazaxda

20.07.2026, 16:09

Avarçəkmə “İdman paytaxtı” Qazaxda
Qazaxda velosiped idmanı üzrə Federasiya Kuboku keçiriləcək

20.07.2026, 14:32

Qazaxda velosiped idmanı üzrə Federasiya Kuboku keçiriləcək
Bakıda Avropa Cüdo Ümidləri Turniri keçiriləcək

20.07.2026, 13:14

Bakıda Avropa Cüdo Ümidləri Turniri keçiriləcək
Üzgüçülərimiz Gürcüstanda 25 medal qazanıblar

20.07.2026, 12:42

Üzgüçülərimiz Gürcüstanda 25 medal qazanıblar
İdmançımız Minskdə bürünc mükafat qazanıb

20.07.2026, 12:28

İdmançımız Minskdə bürünc mükafat qazanıb
Avarçəkənlərimiz Avropa çempionatında iştirak edəcəklər 

20.07.2026, 12:18

Avarçəkənlərimiz Avropa çempionatında iştirak edəcəklər 
Mbappa dünya çempionatlarının ən çox qol vuran oyunçusu oldu 

20.07.2026, 08:58

Mbappa dünya çempionatlarının ən çox qol vuran oyunçusu oldu

DÇ-2026-nın ən yaxşıları müəyyənləşib

20.07.2026, 02:49

DÇ-2026-nın ən yaxşıları müəyyənləşib
İspaniya millisi tarixində ikinci dəfə dünya çempionu oldu

20.07.2026, 02:18

İspaniya millisi tarixində ikinci dəfə dünya çempionu oldu
“Mercedes”in italiyalı pilotu Belçika Qran-Prisinin qalibi oldu 

20.07.2026, 00:22

“Mercedes”in italiyalı pilotu Belçika Qran-Prisinin qalibi oldu

Dünya çempionlarına xüsusi üzük veriləcək

17.07.2026, 11:37

Dünya çempionlarına xüsusi üzük veriləcək