SON XƏBƏRLƏR

BÜTÜN XƏBƏRLƏR

Millimizin təlim-məşq toplanışı başa çatıb

Millimizin təlim-məşq toplanışı başa çatıb  

İdman

16.05.2026, 13:11

Avropa Liqasına hazırlaşan Azərbaycanın qadın voleybolçulardan ibarət millisinin Macarıstandakı təlim-məşq toplanışı başa çatıb.

Azərbaycan Voleybol Federasiyasının mətbuat xidmətindən verilən məlumata görə, komanda Macarıstan yığması ilə birgə məşqlər edib, həmçinin iki yoxlama oyunu keçirib.

Bu qarşılaşmaların hər ikisi Azərbaycan millisinin qələbəsi (3:0, 3:1) ilə yekunlaşıb. Hazırlıq prosesinin növbəti mərhələsi çərçivəsində komanda bu gün Macarıstandan Sloveniyaya yola düşüb. Mayın 29-dək Maribor şəhərində təlim-məşq toplanışında olacaq voleybolçuların burada da yoxlama oyunlarında qüvvələrini sınamaları nəzərdə tutulub.

Qeyd edək ki, yığma Avropa Liqasındakı ilk oyunlarını Bakıda keçirəcək. İyunun 5-7-də baş tutacaq qarşılaşmalarda millinin rəqibləri İsveç və Estoniya seçmələri olacaq.

Dİgər xəbərlər