XƏBƏR LENTİ
10 Avqust 2020
09 Avqust 2020
15:12 “Leykers”dən məğlubiyyət
12:20 Olimpiada davam edir
08 Avqust 2020
07 Avqust 2020
18:10 İspanlar yenə də zirvədə
06 Avqust 2020
18:09 İJF kampaniyaya qoşulub
Millimiz Madriddə iki medal qazandı
İdman 10:41 / 02.12.2019
Azərbaycan karateçiləri Madriddə keçirilən "Karate 1” Premyer Liqa turnirlərində mövsümün son mərhələsini 2 medalla başa vurublar.
Dünya Karate Federasiyasının (WKF) mötəbər liqasında İrina Zaretska (68 kiloqram) qızıl, Pənah Abdullayev (84 kiloqram) isə bürünc medal qazanıb. Nuranə Əliyevanın 3-cü yer uğrunda həlledici görüşü uğursuz alınıb.
Azərbaycan Milli Karate Federasiyasının prezidenti Yaşar Bəşirov idmançıların mükafatlandırılması mərasimində iştirak edib. İspaniyada keçirilən yarışda 89 ölkədən 737 karateçi mübarizə aparıb. İdmançılar hər qələbəyə və medalların əyarına əsasən, dünya reytinqi ilə yanaşı, Olimpiya reytinq xalları qazanıblar. Azərbaycan hakimləri Cahangir Babayev və Vüqar Kərimov da mötəbər yarışın final görüşlərində hakimlik edən referilər arasında yer alıblar.
"Karate 1” Premyer Liqasının Madrid mərhələsində, həmçinin ilin yekununa əsasən fərqlənən idmançılar "Grand Winners” mükafatlarına layiq görülüblər. 2019-cu il mövsümünün nəticələrinə əsasən "Grand Winners” mükafatına namizədlər arasında məşhur Azərbaycan karateçiləri Rafael Ağayev (75 kiloqram) və İrina Zaretska (68 kiloqram) da var. Mükafatın təqdimatı isə 2020-ci il yanvarın 24-26-da Parisdə keçiriləcək növbəti mövsümün ilk Premyer Liqa turnirində olacaq.
6382 oxunub
.jpg)
