İdman 11:12 / 03.06.2022
Bu gün Tbilisidə cüdo üzrə "Böyük dəbilqə” turnirinə start verilib. 37 ölkədən 284 idmançının iştirak etdiyi yarışda Azərbaycan idmançıları da qüvvələrini sınayırlar. Yarışın birinci günündə Azərbaycanın 4 cüdoçusu tatami üzərinə çıxacaq. Belə ki, kişilərin yarışında ilk qarşılaşmalarda Rövşən Əliyev Daniel Leutgeb (Avstriya) - İrakli Kupatadze (Gürcüstan) cütünün, Turan Bayramov (60 kq) Allan Kuvabara (Braziliya) - Xanbolot İrisbekov (Qırğızıstan) cütünün qalibləri ilə görüşəcəklər.
Qadınlardan ibarət milli komandanın üzvləri 48 kiloqram çəki dərəcəsində mübarizə aparan Aişə Qurbanlı ilk görüşdə Amber Qersjes (Hollandiya), Şəfəq Həmidova isə Nataşa Ferreyra (Braziliya) ilə qarşılaşacaqlar.