Ukrayna Prezidenti Vladimir Zelinski şəxsi instaqram hesabında Krım yarımadası daxil olaraq çərçivəyə alınan ölkənin ərazisini əks etdirən futbol üzrə milli komandanın formasında fotosunu paylaşıb. Siyasətçi fotoya yazdığı "Cümə gününü gözləyirik” şərhi ilə Avropa çempionatının başlayacağı günə işarə edib.
Qeyd edək ki, iyunun 7-də UEFA-nın mətbuat xidməti Ukrayna millisinin təqdim etdiyi dəstin bütün qaydalara riayət etdiyini bildirmişdi. İyun ayının 8-də isə V.Zelinski Ukrayna millisinin formasını qiymətləndirərək, onun xüsusi olduğunu qeyd edib. Prezidentin sözlərinə görə, formanın dizaynı özündə ölkəni birləşdirən simvolları əks etdirir.