XƏBƏR LENTİ
21 İyun 2021
20 İyun 2021



Çempionlar Liqasında ingilis finalı
İdman 10:06 / 06.05.2021
Futbol üzrə UEFA Çempionlar Liqasında yarımfinal mərhələsinin ikinci oyunu keçirilib. "Çelsi” klubu "Stenford Bric” stadionunda "Real Madrid” komandasını qəbul edib. Görüş London təmsilçisinin 2:0 hesablı qələbəsi ilə başa çatıb. Oyunda hesabı matçın 28-ci dəqiqəsində Timo Verner açıb.
Fasilədən sonra hücumlarının sayını daha da artıran Tomas Tuxelin komandası rəqib qapısına ikinci dəfə yol tapıblar. Meydana yeni çıxan Kristian Pulişiçin cinah ötürməsindən sonra topa hamıdan tez yetişən Meyson Mount hesab arasındakı fərqi iki topa çatdırıb – 2:0.
Komandalar arasında Madriddə keçirilən görüş 1:1 hesabı ilə başa çatmışdı. Beləliklə, iki oyunun nəticəsinə əsasən, "Çelsi” qitənin ən nüfuzlu klub turnirinin finalına yüksəlib.
Qeyd edək ki, UEFA Çempionlar Liqasının ilk finalçısı ötən gün "Paris Sen-Jermen” klubunu iki oyunun nəticəsinə əsasən (2:1, 2:0) məğlub edən "Mançester Siti” olub.
Məlumat üçün bildirək ki, Çempionlar Liqasında sonuncu ingilis finalı 2018/19-cu illər mövsümündə qeydə alınıb. O zaman Madriddə keçirilən final qarşılaşmasında "Liverpul” və "Tottenhem” komandaları üz-üzə gəlmşdilər.
Xatırladaq ki, qitənin ən nüfuzlu klub turnirinin final görüşü mayın 29-da İstanbuldakı Atatürk Olimpiya Stadionunda keçiriləcək.
1518 oxunub

InvestAZ